Mantivéronse os criterios fundamentais do ciclo de música culta do Auditorio, que aumentou significativamente o número de abonados. As novidades a reseñar deste período serían a creación do Ciclo de Piano Ángel Brage e quizais conveña destacar como fitos puntuais cunha máis que notable acollida o concerto especial do XX aniversario do Auditorio que contou coa solista Ute Lemper ou o concerto participativo incluído na temporada 2010-2011 con corais non profesionais galegas.