Turismo de Santiago xestionou os acordos con compañías aéreas para a ampliación do mercado aéreo internacional de Lavacolla ata comezos do ano 2009, cando a Xunta decidiu asumir estas competencias.
O acordo establecido con Ryanair, o mantemento do mesmo durante todo o periodo e a defensa pública da importancia das conexións de baixo custo foron elementos fundamentais para a consolidación desta aeroliña en Santiago, que propiciou que o aeroporto obtivese en 2010 o seu record histórico con máis de 2.150.000 pasaxeiros e que neste 2011 poda encamiñarse cara os 2.400.000, pese a crise aeronáutica global.